Ni 9.3.2019 (Inrinni) khan Kolasib DAO Conference Hall ah MP Election lo awm tur a tana inpuahchahna te thlir hona neiin Mizoram Addl CEO Pu Krishna Mohan Uppu chuan Kolasib District a Election kaihhnawih Official te a kawm.

Addl CEO chuan MLA inthlanna neih zawh takah Kolasib District chuan harsatna awm neuh neuh kara tluang taka inthlanna a kalpui thei chu thil chhinchhiah tlak tak a nih thu a tarlang a, MP/Lok Sabha inthlan lo awm tur a tan pawh theihtawp chhuah chhunzawma thawhopui ah a sawm nghal bawk a ni.

Thutkhawm ah hian Addl CEO chuan Election kaihhnawiha Police ten venhimna kawnga harsatna an tawh leh tawhloh thu te zawtin harsatna a awm lemloh thu tarlan ani a, Polling Station vil uluk ngai bik a hmalakna te ngaihthlak ani a, election kaihhnawiha team hrang hrang Flying Squad Team, Static Surveillance Team, IT Application heng PwD App,Cvigil, Voter Helpline App etc chungchanga hmalakna te ngaihthlak a ni bawk. Hemi bakah hian Systematic Voters Education and Electoral participation (SVEEP) hnuaia hmalakna tawhna te leh mipui ten Election kaihhnawih thil hrang hrang Zau zawka an hriat theihnana hmalak tum dan te ngaihthlak a ni bawk.

Thutkhawm ah hian Kolasib District Election Officer Pu Zoengsanga bakah election kaihhnawiha Sector Officer hrang hrang leh Team hrang hrang Nodal Officer te an tel a, thutkhawm zawhah hian Model Polling Station, Bawrhsap Pisa kawtah sak chu Addl CEO hian a hawng nghal a ni.