No.1787/2021-2022

Aizawl the 10th August, 2021 : Hripui vei ICU a enkawl ngai an pun chhoh mek karah nimin khan Chief Minister leh Health Minister te ruahmanna angin Dr. ZR Thiamsanga MLA, Chairman Covid-19 Medical Operational Team chuan Civil Hospital Aizawl a ICU siam mek chu a tlawh a.

Dr ZR Thiamsanga chuan hripui kai ICU a enkawl ngai an pun chhoh zel karah Chief Minister leh Health Minister ten ZMC a ICU a khah reng tak a vangin Civil Hospital a ICU chu rang taka peih a ngai an tih a vanga a dinhmun te en a tlawh a nih thu a sawi a. Chief Minister thahnem ngaihna zarah ICU siam thar a thawk tur Nurse leh Grade IV pawh honorarium base a lak a nih tur thu te leh bawhzui ngai pawh chak taka umzui a nih thu a sawiin ICU thar siam mek pawh ni reilo te chhunga hman theih a peih a nih tur thu a sawi bawk.

Dr. ZR Thiamsanga MLA, MOT Chairman hi Dr Lalhmuchhuaka, Medical Superintendent, Civil Hospital in a tawiawm a ni.