No.3294/2020-2020

Chief Minister ruahmanna a East Tuipui huam chhung a lirnghing tuarte tlawh a thlamuan tur leh a tul ang a damlo en tur a kal Dr. ZR Thiamsanga MLA, Vice Chairman, Health and Family Welfare Board chuan East Tuipui a tlawh hnuin, vawiin ni 21 July khan Civil Hospital Champhai a Truelab Quattro Real Time Quantitative Micro PCR khawl bunna tur siam mek a tlawh a.

Dr. ZR Thiamsanga chuan Chief Minister zahawm tak leh Health Minister thahnem ngaihna a reilo teah Covid-19 test-na khawl Civil Hospital Champhai a bun a ni mai tur chu thil lawmawm tak anih thu te, he khawl hmang hian Covid-19 mai bakah natna dang dang cancer, hepatitis, malaria bakah natna hrang hrang hriat theih anih tur thu te, he khawl dinna tura Chief Minister leh Health Minister te hmalakna chu fakawm a tih thu a sawi a.

Damlo na zual te enkawlna tur High Dependency Unit (HDU) pawh tlawhin Dr. ZR Thiamsanga chuan he ward a damlo enkawl mek leh enkawl hmasak ber pawh dam leh thuai turin duhsakna a hlan a. Dr. ZR Thiamsanga chuan ICU pawh a dahna tur building sak mek zawh anih veleh tihpuitlin nghal a nih tur thu a sawi bawk.

Dr. ZR Thiamsanga hi Medical Superintendent, Champhai Civil Hospital, Doctor te leh thawktu dangten an lo dawngsawng a ni.