2091/2023-2024

Khawzawl, 30th September 2023: Vawiin khan Health & Family Welfare Board Vice Chairman, Champhai North bialtu ni bawk Dr. ZR Thiamsanga chuan Neihdawn leh Tualpui khuaah Health & Wellness Centre Building a hawng.

Health & Wellness Centre building hawnnaah hian Dr. ZR Thiamsanga chuan thu sawiin Mizoram Sorkarin hun khirh tak a tawng chunga hmasawnna hnathawh chi hrang hrang a awm thei chu lawmawm a tih thu a sawi a, Sorkar hmalaknain Sub Centre tam tak Health & Wellness Centre-a hlan kai a nih tawh thu sawiin vawiina hawn tak Health & Wellness Centre building chu mipui ten hriselna tha zawk an neih theihna tura tangkai tak a hman a nih a beisei thu a sawi bawk.

Champhai North bialtu MLA Dr. ZR Thiamsanga hian Neihdawn leh Tualpuia Health & Wellness Centre a hawn bakah hian zaninah Hmunhmelțha khuaah High School building, Primary School Building, VC House leh Bazar shed cum Library-te a hawng leh dawn bawk a ni.