2090/2023-2024
Khawzawl, 30th September 2023: Khawzawl District Election Officer Pu K. Lalrohlua chuan a hnuaia mi ang hian mipuite hriattur thuchhuah a siam.
Social Welfare & Tribal Affairs lehkha No.B.13011/81/2018-DTE(SW) dt.27.09.2023 in a taran angin ni October ni 6, 2023 hian Khawzawl District huamchhunga rualbanlote tan District Hospital, Khawzawlah PwD Assessment & Certification Camp neih a ni dawn a. He hunah hian Khawzawl District huamchhunga rualbanlo Disability emaw Disability Identification Card emaw Certificate neilo zawng zawngte chu kal vek tura ngen leh hriattir kan ni a. Assessment nei tura lo kal rualbanlote hnenah an kal man TA pek nghal a ni ang. TA hi veng/khua anga a huhova pek tur a nih avangin a theih chin chinah lirthei in hman tawm tur a ni.
He Assessment Camp-a kal turte tan lirthei fel taka lo ruahman turin Booth Level Officer te ngen leh hriattir an ni bawk a ni. Assessment Camp neih hun chhung hi chawhma dar 10:00 atanga chawhnu dar 03:00 thleng a ni ang.
Heng a hnuaia tarlante hi ken/hriat tur a ni ang:
1. Aadhaar card Xerox–Copy2
2. Passport Thlalak–Copy2
3. An veng/khua tichiang thei tur lehkha (Entirnan: Voter ID, Ration
Card, etc.)
4. Phone call theihna number.
Heng a chunga tarlan chungchanga hriatchian duh leh zawhfiah duh nei tan a hnuaia Phone number tarlanah hian biak theih a ni e.
