2089/2023-2024

Lawngtlai dated 30th September 2023: Vawiin chawhnu khan Chawngte Peng, Chawhmeh Bazar-ah, District Election Office, Lawngtlai ruahmannain vantlang tan Electronic Voting Machine belhchianna leh Vote thlak pawimawh zia inzirtirna hun 'Voter Awareness Street Campaign' neih chhunzawm a ni a. Pu Hmingthanzuala, DIPRO, SVEEP Nodal Officer ni bawk chuan hun a kaihruai a ni.

Vantlang tan a EVM belhchianna leh tihchhinna hun buatsaih hi Bazar-a dawr nghak, sumdawng leh lirthei khalh a eizawngte zau thei ang ber a huam tur a ruahman a ni a. Vote thlak chhin leh EVM hman dan zawt chiang mi engemaw zah an awm a ni.

Lawngtlai district-ah hian Vote nei atanga Vote thlak zat (Voter turnout) an pun theih nan Systemic Voter Education and Electoral Participation (SVEEP) kaltlangin Cable TV leh Social Media ah Vote thlak pawimawh zia inzirtirna kalpui mek a ni a. Sector Officer ten Polling Station tin ah kalchhuakin a duh apiang tan EVM hman dan an zirtir bawk a ni.