Tukin khan Champhai North bialtu MLA leh Vice Chairman, Health & Family Welfare Board ni bawk Dr ZR Thiamsanga chuan Champhai Vengthlang North a Saihnuna Memorial  Hall sak tur lung a phum.

Dr ZR Thiamsanga chuabn  Champhai Vengthlang North hmuna khawtlang leh ram tana  chhawr theih tur  Hall changtlung tak, hmun laili leh remchang taka  sak ani tur chu lawmawm a tih thu leh  sulsua thathawhtute fakawm a tih thu a sawi a.  Champhai mai bakah Mizoram tana rotling Hall tha tak sak anih theihna turin  khawtlang mipui leh sawrkar  tanho zel angaih thu leh a  sa tu tur pawhin neitu thinlung pu chunga thahnemngai takin sa se a duh thu a sawi a. Tluang taka sak aniha a lo puitlin hunah pawh khawtlang leh ram tana rotling leh tangkai tak anih ngei theihna tura  duhsakna hlanin a sak tanna tur lung a phum a ni.

He hun hi Pu Lalhmunsiama, President, Vengthlang North Branch YMA in a kaihruaia. Pu RC Zahlira S/o Pu Saihnuna  hnen tangin thusawi ngaihthlak a ni a. Pu Lalnunmawia, Adviser & Chairman, Hall Sub Commiitte-in lawmthu sawiin hun a khar a ni.

Champhai Vengthlang North a Saihnuna Memorial Hall BADP sum cheng nuai 40 a sak  tur hi  Mizo pa chhiara chhawng thum tur niin, Garage, Auditorium, infiamna court leh mamawh dangte dah tum a ni.