Vawiin tlai khan Defence Ministry hnuaia Defence Research & Development Organization (DRDO) chuan PHE Secretary Shri Amjad Tak kaihhruaiin Biodigester Technology  chu Aijal Club-ah PHE Department hnenah a hlan a ni.

He hunah hian Dr. S.K Dwivedi, Director Defence Research Laboratory (DRL) Tezpur, Dr. Vanlalhmuaka, Scientist ā€˜Eā€™, DRL, Tezpur; Dr. S.Chatterjee, Scientist ā€˜Eā€™, DRL, Tezpur; Pu Joseph Lalramsanga, Director, UD&PA, Pu Lalremsiama, Chief Engineer, PHED, Zone-I, Pu C.Lallunghnema. Chief Engineer, PHED, Zone-II leh midangte an tel a ni.

Biodigester hi DRDO-in Kum 25 chhung an zir chian hnua an hmuhchhuah a ni a. Biodigester-ah hian mihring ek eiral tu tur hrik, Anearobic Microbial Innoculum (AMI) a awma, chu chuan mihring ek lo lut thar apiang an lo eiral zel avangin septic tank angin a khat ve dawn lo a ni.

Septic tank aia biodigester that zawkna hrang hrang a awm a, chungte chu:
1. Biodigester-ah hian a hmangtu zat inang rengah septic tank aiin Ek khur a ngai
zim daih zawk a, a siam man a tlawm zawk a ni.
2. Septic tank angin soak pit a mamawh ve kher lova hei hian a siam man a ti tlawm leh zual a ni.
3. Biodigester-te hi an khah ve dawn tawh loh avangin septic tank anga sum tamtak
senga paih ruah leh tihfai fo a ngai ve lova, a enkawl man a tlem em em a ni
4. Biodigester-a ek eitu hrik te hi boruak mamawh lo chi an nih avangin boruak lut
thei lova phui taka char vek a ni a. Biodigester atanga tui lo luang chhuakte hi septic tank angin
a rim chhe ve tawh lova, natna hrik a pai tam tawh lo bawk a, huan thlai chawm tura lei a luan chhuah tir nghal mai tlak a ni tawh a ni.

Biodigester technology hi DRDO ta a nih avangin a duh apiangin lo siam ve ngawt phal a ni lova, DRDO-in Licence an pekte chauhvin an siamin an sa thei a ni. Tunah hian PHE Department chu Biodigester technology hmang thei leh DRDO Licence neitu a lo ni ta a, biodigester duh leh mamawhte tan PHE Department hi a dawr theih tawh a ni.

DRDO-ah hian branch hrang hrang 56 awmin, Life Science hi branch pakhat a ni.

Attachment

  • Loading attachment...