1227/2022-2023
Aizawl, 12th July, 2022 : Vawiin khan Social Welfare Minister Dr.K.Beichhua hovin Social Welfare Department hotute leh department pawimawh dangten Supreme Court thupek anga dan hnuaia sex worker te humhimna leh chhawmdawlna tur chungchang, Minister office ah an sawi ho va.

Sex worker kutthlak tuarten section 357C of Cr.PC hnuaiah police humhimna leh damdawia enkawlna an dawn theihna tur te, Protective Home a awmte dinhmun zirchiang a, anmahni duhthlanna lo chuan heng Home ah te hian hren luih an nih lohna tur te, India ram Danpui hnuaiah sex worker te chu midangte nen dikna leh chanvo inang khat nei an nih avanga Police humhimna hnuaiah an dikna leh chanvo te zahsak leh humhim sak an nih theihna tur te, sex worker ten man an tawh chang leh police ten an awmna an dap lai emaw, chhanchhuah an nih lai emaw te a an hmel leh nihna tilang thei tura an thlalak pholan te, 354C,IPC hnuaiah electronic media a an hmel tarlan te chu criminal offence a nih dan te, sex worker te hriselna chungchang leh an dikna leh chanvo hre chiang tura zirtirna neihpui tur te in Department hrang hrang te chu hma la tur leh an hmalakna te report pe tura tih an ni.

Meeting ah hian Social Welfare Department bakah Law & Judicial Department te, Health & Family Welfare te, Women & Child development Department te, MSACS leh I&PR Department te an tel a ni.