District Hospital leh Hospital building thar khum 100 awmna tur sak mek chu tlawhin, room tin a fang chhuak vek a ni.

Hospital Building thar sak mek hi  kumin January ni 22 khan a lo tlawh tawh a, chumi tuma  la thawh loh,  Floor tile phah leh Tukverh vuah diklo vuah that tur te pawh thawh zawh tawh a ni.

 Dr.C.Lalrosanga,Medical Superintendent leh medical staff ten minister hi lo dawngsawngin, District Hospital  vei tak minister an neih avanga an thlamuan thu leh lawmthu te sawiin, Disitrict Hospital dinhmun leh an thil mamawh hrang hrang an lo thlen a. Minister chuan tunah hian kan sawrkar atangin thla 8 vel lek a la ni a, Christmas boruak te leh MP inthlanna a Model code of conduct avang te khan kan hnathawh theih hun hi thla 4/5 vel chauh a la ni a. Chawp leh chila kan mamawh hrang hrang te intihsak theih rih lo mah ila,  Rome khawpui pawh nikhat thilthu a din a ni lo tih a ni kha, Pu Zoramthanga kaihhruai sawrkar chak tak hian theitawp chhuahin hna a thawk tan mek a ni, a ti.

District Hospital atlawh zawh hian Siaha vaihpi MTP  information center sak lai leh footpath siamna turte a enfiah a. Tichuan MTP(H) office tlawhin, Mara Thyutlia Py hruaitute nen inkawmna hun an hmang. Pu K. Beichhua chuan  thu sawiin; Pathian leh thawhpui te chhawmdawlna zarah term 5 MTP(H) president hna hi ka lo chelh tawh a. ka President hun chhunga Ruihlo kan doh nasat zia te kha, a hretu te vek in ni. Ruihlo do  kawngah MTP(H) hian chak taka sawrkar inthawhpui zel turin ka ngen  a che u.  Kan district thingtlang khaw lama an sum hnar pawimawh tak Pakhat chu Vawk vulh hi a ni. PRRS bakah tunah hian African Swine Fever in kan thenawm ram myanmar a lo lut tawh a.  Ram pawn lam atanga kan district chhunga vawk lakluh a ni loh nan MTP(H) pawhin ramri dep a thingtlang khuaa MTP Branch te hnenah information pe in, sawrkar tanpui turin ka ngen che u  a ni, a ti.

 Minister chuan sawi zawmin, kan ram moral pawh hi a chhe tawh lutuk a, moral reformation campaign te pawh huaihawt thin turin MTP(H) chu a ngen bawk a ni.

Minister hian tukthuan eikhamah Siaha dist. MNF Hqrs tlawhin,tlailam dar 1:30Pm atang khan  Office tlawh chhunzawm lehin, DVO office , DCPO office, DSWO office leh CDPO office te a tlawh a. Office hrang hrang staff te hian an hmalak mek leh an hmachhawp te, an harsatna hrang hrang te Minister hnenah hian an lo thlen hlawm a. Minister chuan an harsatna te a tul chuan phone pawha a hnena thlen inthlahrung lo turin a chah hlawm a. A bial an nih anga, district dang te entawn tlaka an thawh a beisei thu sawiin, in laka ka  thikthu pawh a chhe hle dawn a ni, a ti.

Vawiin Minister in office hrang hrang a tlawhna-ah hian  Pu Biakcheuva, MDC,  Pu FC.Rehmo, MDC, Pu Rozawna Jt.Director Sericulture,Pu H.Ramdinliana,Member,Veterinary & Fisheries Board, Pu Lalthakima, AE,SWD, MJA member te, Siahaa Head of Office te leh Siaha Dist.MNF hqrs hruaitu ten an tawiawm a ni.