Mizoram Legislative Assembly Speaker Pu R.Romawia’n  vawiin khan RMSA hnuaia cheng nuai 32.25 senga sak Durtlang High School building a hawng.

Assembly Speaker leh Bialtu MLA ni bawk Pu R. Romawia chuan Durtlang High School-in building thar tha tak an nei ta chu lawmawm a tih thu a sawi a, sikul  naupangte chu an vanneihzia hre tura chahin, sikul hmunhma tha tak an neih chu hmang tangkai ngei turin a chah a. Naupangte chu taima tak leh tumruh taka zir tur leh thiam thil dang chher hriam turin a fuih bawk. Zirtirtute pawh tunlai changkanna leh thiamna mila zirna pe thiam tur leh zirlaibu chauh nilo, thildangah pawh intuaihriam thar zel tura fuihin, naupangte thiam thil haichhuak thei tur leh tihpun sak thei tura inpeturina chah bawk.  Speaker chuan, “Human Resource Development hi tunlai khawvelah thil tul leh pawimawh tak a ni tih hriain, sorkar chuan zirna tihhmasawnnan leh thiam thil hmanga thalaiten ei an zawn theih nan theihtawpin tan a la ni,” a ti a, Durtlang chu Mizoram in hmunhma tha a neih leh zirna in tha tak tak awmna a ni tiin, a chhunga chengte chu heng an hmunhma tha neihte roh thiam turin a chah bawk.

Durtlang High School building thar zau zawng hi 3000 sq.ft niin; room pali - class room pahnih, science laboratory pakhat leh computer room pakhat a awm a ni.