Durtlang Local Council By-Election kalpui mek chungchangah vawiin ni 04.12.2017 chawhnu dar 1:00 khan Returning Officer, Asst. Returning Officer, Presiding Officer leh Polling Officer-te chu DC Conference Hall, Aizawl-ah Training pek an ni.

He Training hi Pu Lalfakzuala, Asst. District Municipal Election Officer, Aizawl District in a kaihruai a, he By-Election neih mek Returning Officer, Asst. Returning Officer, Presiding Officer leh Polling Officer-te tihtur leh an mawhphurhna tlangpui te hrilhhriat an ni.

He By-Election hi boruak muanawm leh felfai taka inthlan neih a nih theih nan an mawhphurhna tur leh an hmalak dan turte hrilhhriat an ni. Vote hi chhiar nghal tur a nih avangin Returning Officer leh Asst. Returning Officer-te chu vote chhiar dan tur leh kalpui dan turah training pek nghal an ni bawk.