Vawiin khan Durtlang Branch MUP chuan MC Hall Auditorium, Durtlang-ah Annual Meeting an nei a, Pu Vanlalhlana MLA, Aizawl North-I bialtu chuan khuallian niin a hmanpui a, Pu R. Hmingthanzuala, Director Art & Culture Dept chu khualzahawm a ni.

Khuallian Pu Hlana chuan thu sawiin, tun thlenga min la dampui tu Upa tha tak tak kan nei hi kan vannei a, hriselna tha tak nei tura inenkawla min dampui reng hi kan mamawh a ni. Mizo hnam tan rintlak , rawn tlak MUP kan nei hi kan vannei a, mizo kan nihna tarlangtu in unauna, in peizawn thin kan nihna te hi upate min uapna atanga kan hmuh a kan chhawm a ni a, chuvangin rei tak min dampui zel theih nan in hriselna vawng tha in Doctor rawn uar rawh u, a ti a. Durtlang Branch MUP te hnenah doctor rawn mamawh a harsatna nei te chu MLA Fund atangin ka lo tanpui ang che u  a ti.

Pu R  Hmingthanzuala, khualzahawm chuan, Upa te hi kan hnam tan rangkachak tluk a hlu an ni a. Mizo hnam culture vawn nun kawngah te, a tha zawk hriatna kawngah te kan hnam tana rohlu an ni a, tha thlah mai lova hnam fin chhuahtu ni reng turin MUP te a fuih bawk a ni.