Minister of Health & Family Welfare, Higher & Technical Education, Industries Dr. R. Lalthangliana chuan nimin (31.1.2019) khan New Delhi ah sawrkar laipuia mi pawimawh te hmu in Mizoram tana hmalakna pawimawh te a sawipui.

Union Minister of Human Resources Development Pu Prakash Javadekar nen inhmuin Mizorama College zirtirtute'n UGC Pay norms anga hlawh an hmuh turte an hmuh thuai theih dan tur an sawi dun a. Hei bakah College hrang hranga Infrastructure tih phuisui dan turte, SSA & RMSA te harsatna tawh chungchangte, RUSA hmalaknate, Hindi teacher 1187 ban tak lak leh theih dan te, SCERT leh DIET te harsatna chungchangte a sawipui a, theihtawp chhuah sak a tum thu lo sawi a ni.

Minister hian Union Secretary, Ministry of Food Processing Industries, Pushpa  Subrahmanyam leh a thawhpuite hmu bawkin Mizorama Industry tihchangtlun dan tur leh Juice Manufacturing Unit din dan tur a sawipui a. Secretary hi Joint Secretary leh Economic Adviser te'n an tawi awm a ni.

Union Secretary, Department of NE Region (DoNER), Naveen Verma nen inkawm bawkin Health Minister Dr. R. Lalthangliana hian Mizoramin Cancer Superspeciality Hospital & Research Centre a mamawhna leh neih theih dan tur te, District Hospital hrang hrang tih changtlun dan turte an sawiho bawk.

Health Minister hi Union Health Secretary, Preeti Sudan nen inhmu bawkin, MIMER tihchangtlun nana Mizoramin sum a hmuh belh theih dan tur te, Cancer Hospital Zemabawka kan neih lai tihchangtlunna tur TCCC Project atana Central in sum a la release loh te release vat a nih theih dan tur te, NHM lama hmasawn zel dan turte an sawi ho bawk.

Minister Dr. R. Lalthangliana hi Dr Eric Zomawia, Deputy Director (Hospital & Medical Education) leh Delhi Mizoram House a thawktute'n an tawi awm a. Sawrkar laipui lama hotute'n tha taka lo dawngsawngin, theihtawp chhuahpui an lo tiam a ni.