484/2026-2027

Dated Serchhip, the 12th May 2026 : Vawiin khan E. Lungdar BDO Conference Hall-ah ICDS E. Lungdar Project leh E. Lungdar RD Block-te tangkawp chuan ‘Nu Chhuanawmte’ chawimawina hun an hmang a. He hun hi BDO Dr. Marilyn Lalruatkimi’n kaihruaiin, Pu Jeremy Lalhmingsanga, Circle Officer (ICDS) chuan chhungkua leh khawtlang tana nu pawimawhzia leh an hlutzia a sawi.

He hunah hian nu chhuanawm tak tak pahnih, Pi Vailianchami leh Pi C. Rodinthari te hnenah chawimawina hlan niin Pi Teresa Lalruatsangi, Circle Officer (ICDS) chuan chawimawina hi a hlan a ni. Pi Vailianchami hi hmeithai niin, nau a neih tuk la laa Matric Exam hmachhawn a pass thei a ni a, harsatna tam tak karah a fate zawng zawng Graduate thlenga chherchhuaktu a ni. Pi C. Rodinthari pawh hi tun hnaia fanu Super Specialist chherchhuaktu nu chhuanawm tak a ni bawk.

He nu chhuanawm chawimawina inkhawmah hian MHIP hruaitute, Village Council aiawhte leh Anganwadi Worker thahnem tak an tel a ni.