Mizoram sawrkar in e - Procurement Mission Mode Project a kalpui dawn tak avangin department hrang hranga Nodal Officer theuhte pualin vawiin khan e-Procurement Workshop, NLUP Conference Hall ah buatsaih a ni.

e-Procurement Mission Mode Project in a tum ber chu sawrkarin awlsam zawk, tihdan langtlang leh felfai taka tender te chhuah a, bungraw lilam leh contract hna pek te a kalpui theihna tura tih a ni a. Mizoram sawrkar hnuaia department zawng zawngte chu pawisa cheng maktaduai khat ( 1 crore ) leh a aia tam khawih chet ngaihnaah chuan Internet online a tender chhuah vek tura tih a ni a. Council of Minister thukhawm ni 21.9.2016 a neih chuan sawrkar department zawng zawngte chu e-Procurement hi kalpui vek turin thu a lo titlu tawh a, department tinah thuchhuah hi hriattir a lo ni tawh a ni.

State Level Core Committee for Implementation of e-Procurement Mission Mode Project chuan thawh khatna a he project hmang nghal tur hian PHE, PWD, P & E, UD&PA, School Education department (SSA leh RMSA tiamin) te chu a thlang a, Public Works Department leh Public Health Engineering Department te chuan e-Procurement hi hun engemaw chen lo kalpui tawhin tender Rs. 516.04 crore hu an tichhuak tawh a ni.

Vawiin Workshop hi Pu Lalhmachhuana, Secretary, ICT in a kaihruai a, Bhubaneswar atanga lo kal Pu Tapan Prakash Ray, Technical Director leh Pu Nihar Ranjan Biswal, Pr. System Analyst, NIC ten zirtirna an pe a ni.