No.3740/2021-2022

Aizawl, the 20th January 2022 : Ministry of Labour & Employment, Govt of India chuan India khua leh tui mahni kut kea eizawng (unorganized worker) zawng zawng te chhinchhiaha an awm a, sawrkar laipui hnuaia hamthatna awm te awlsam zawk a an dawn theih nan leh chhiatna leh harsatna tawh palh a an thla ven nan e-SHRAM portal a duang thar a, he e-SHRAM portal ah hian inziaklut theite chu in ziak lut vek turin an hriattir a ni.

e-SHRAM Portal-a in ziaklut thei te:

1. Sawrkar hnathawk lo (EPFO,ESIC leh NPS hnuaia awm lo) kum 18-59 in kar tawh phawt te chu in ziahluh theih a ni.
2. In ziah luh man a awm lo.

Engtia inziahluh tur nge?

1. eshram.gov.in ah mahniin a inziahluh theih
2. Common Service Centre (CSC)

Documents ngai te:

1. Aadhaar Card - Phone number nen thlunzawm ngei a ni tur a ni a, Aadhar Card-a phone number leh phone number in mil lo tan CSC ah awlsam tein a thlak tir leh theih.

2. Bank Account No. le IFSC Code.

Hamthatna awm te:

e-SHRAM hnuaia inziak lut te hnenah Universal Account Number (UAN) 12-digit leh e-SHRAM card pek vek an ni ang a, hemi card kaltlang hian sawrkarah hamthatna hrang hrang awmte awlsam takin an dawng thei ang.

e-SHRAM hnuaia inziaklut zawng zawng te hi Pradhan Mantri Surakshal Bima Yojana (PMSBY) scheme hnuaiah kum 1 (khat) chhungin ziahluh nghal vek an ni a, he scheme hnuaiah hian chetsual palh avanga thihna (death by accident) leh hnathawk thei tawh lo khawpa chetsualna tawk (full disability) tan Rs. 2,00,000.00 (nuai hnih) a dawn theih a, hei bakah hian chetsual avanga hna pangngai thawk thei tawh lo (minor/partial disability) te tan Rs. 1,00,000.00 (nuai khat) a dawn theih dawn bawk a ni.