2636/2026-2027
Dated Aizawl, the 12th October, 2026 : Vawiin tlai dar 04:00 pm khan Finance Department (Fiscal Management Wing) te chuan Finance Secretary, Pu Ramchuana hovin IFMIS tihchangtlun nana module thar pahnih - Pension Module leh e-Voucher Module te chu hawn belhin Employee Module Version 2.0 (e-HRMS) an hawng nghal a. Finance Secretary chuan hetiang ang hmalakna Mizoram sawrkarin a kalpui chu hmasawnna ropui tak a nih thu a sawi a ni.

Pu Ramchuana chuan khawvel changkang chho zelah Financial management system chu a pawimawh chhoh zel a tur thu sawiin e-Voucher Module chuan thla tina AG (Accountant General) office-a accounts thehluh hun a tih hma a beisei thu a sawi a. Compilation-ah nasa takin hmasawnna a thlen tawh dawn avangin lawmawm a tih thu a sawi a bawk.

Pension module chungchang sawi zauvin manual-a pension paper process a nih tawh dawn loh avangin pension a hun taka pekchhuah kawngah mipui tan a tangkai a rin thu a sawi a. Chutiang bawkin Employee Module chu tihchangtlung zel a nih chuan rah tha a chhuah ngei a beisei thu a sawi a ni.

Pi Esther Lalremruati, FAO, Finance Department (FMW) chuan technical report pe in module thlir hona kimchang neih zui nghal a ni a. Heng module-te hi thla tam tak buaipui an lo nih tawh thu sawiin sawrkar system awm sa - SPARTAN leh e-LAMS te chu IFMIS nena inthlunzawm (integrate) an nih avangin tun tum module-te chu an hlut lehzual thu a sawi a ni.

He hunah hian Pu Mikha Mochahary, Project Manager Interlace India Pvt. Ltd chuan module thar-te demo pe in, sawi hona hun hman nghal a ni.