Environment & Forest Deptt bultumin ‘Kan Chenna Leilung leh a chhehvel Humhalhna Ni(Earth Day)’ chu kumdanga lo hman tawh thin ang in April 22 hian hman a ni leh dawn. Hemi ni hian Pu H.Rohluna, Hon’ble Minister, Forest Deptt leh Dr.S.S. Garbyal,IFS, PCCF te Thuchah intawm chu tualchhung chanchinbu hrang hrangah tih chhuah tum a ni.
Earth Day pual hian tlawmngai pawl hrang hrang- YMA, MUP,MHIP te chuan Aizawl huam chhung veng hrang hrang tuamin vantlang puipunna leh hmun thenkhat te tihfaiin hnatlang an thawk leh ang. Leilung leh a hauhsakna humhalh chungchanga mipuite zirtirna thuziak(banner) te pawh hmun remchang leh langsar laiah tar tum a ni bawk.

April 22 hi khawvel pumpuiah kumtin  1970 atang khan ‘Earth Day’ atan an lo hmang ziah thin a ni.Earth Day thiltum ber chu Leilung leh a chhehvel  humhalh leh chumi kawnga mipuite zirtir a ni.Forest Department thuchhuah chuan Leilung, Ramngaw, Tuithianghlim, Boruak thianghlim leh Ransate  humhalh na kawnga Mizoram a  cheng mipuite te inzirtir kan la ngaihnasat zia a tarlang bawk.