1888/2026-2027

Dated Serchhip, the 20^th August 2026: East Lungdar Village Council (VC) member nilai a boral tak avanga Seat ruak pakhat hnawhkhat tura vawiin-a by-election neih chu tluang taka zawhfel a nih hnuah zanin khan vote chhiar nghal a ni a. He inthlannaah hian Candidate pahnih awmin ZPM atangin F. Lalchawimawia leh Indian National Congress (INC) atangin Vansangliana te an ni a. ZMP Candidate F. Lalchawimawia chuan vote 909 hmuin thlan tlin a ni.

East Lungdar Thangburha Hall Polling Station-a vote tla te hi zanin dar 7:00 atang khan chhiar tan niin, tluang taka chhiar zawh a ni a. Vote tla zawng zawng hi 1640 niin vote thi 18 a awm a ni.

East Lungdar VC ah hian seat 7 awmin, thlan tlin thar nen hian ZPM - Member 4, MNF - Member 2, INC - Member 1 an ni. Inthlanna hi boruak muanawm tak hnuaiah zalen takin mipui ten vote an thlak a, he inthlanna pual hian sawrkar chuan East Lungdar VC huamchhungah pisa chawlh a puang bawk a ni.