Ram chhung hmun dang ang bawkin tukin dar 7:00 khan East Lungdar Bazar Kawnah India Independence Day vawi 72-na lawmna inkhawm hman  a ni a, Pi Dorothy Muansangi, MCS, BDO E Lungdar chu khuallian niin hnam puanzar pawtpharhin Independence Day thuchah a sawi.

Khuallian Pi Dorothy Muansangin chuan, ramin zalenna a hmuh atangin nasa takin hmasawnna a thanga, vawiinah chaun India ram chu khawvela ram chak leh thiltithei ber te zinga miah a inhlangkai tawh a ni. Mizoram pawh hi chak takin hma a sawn a ni tih a chikmite tan chuan a hriat theih a, E Lungdar Block chhung ringawt pawh hi tun kum reilote chhung pawhin a danglam chak hle a ni, a ti. Pi Dorothy Muansangi hian tun hnaia sawrkarin E. Lungdar Block chhunga hmasawnna hna a thawh langsar deuh deuh te a tarlang a, hmalakna tur ruahmanna awm te pawh sawiin, mipuite chu sawrkar hnathawh tinrenga a tikhaihlaktu nilova, a hlawhtlin theih nana theihtawpa lo thawhpui thintu nih tum theuh turin a chah a ni.

Tukin Independence Day lawmna inkhawmah hian East Lungdar khawchhunga zirlai naupangte, sorkar hnathawk leh khawtlang hruaitute bakah khawtlang mipui thahnem tak an tel  a ni.

Attachment

  • Loading attachment...