Nimin khan Mission Integrated Horticulture Development (MIHD) hnuaia Samthang Farmers’ Association te’n ‘fur zikhlum’ an chin chu East Tuipui Bialtu MLA, Pu T Sangkunga’n a hmunah tlawhin an hmalak dan a enpui.

Bialtu MLA chuan zikhlum phurhna leh hralh chhuahna tura tangkai tam tak, kawng chei thatna thlengin hmalak a nih tur thu a sawi a. Samthang Farmers’ Association ah hian chhungkaw 104 awmin kumin hian nikum lama an chin lêt zikhlum tiak bul nuai 8 vel an phun a. A hralh chhuahna lamah harsatna an tawh thin avangin a hun indawtin an phun a ni. Sik leh sa lamah harsatna a awm loh chuan quintal 6000-8000 vel kumin hian thar theih an beisei a ni. Zikhlum chingtute hian an hmalakna kawng hrang hranga puitu Horticulture Dept, Commerce & Industries Dept leh Bialtu MLA chungah lawmthu an sawi bawk a ni.