Lieutenant General Praveen Bakshi, AVSM, VSM, GOC–in–C, Eastern Command chuan February ni 19-20, 2016 chhung khan Mizoram chhunga venhima chungchang leh ramri kana dan bawhchhiatna thil thleng theite thlirin Aizawl a rawn tlawh a. Mizoram Governor, Lieutenant General Nirbhay Sharma, PVSM, UYSM, AVSM, VSM (Retd), chuan Army Commander hi February ni 19, 2016 tlai khan zanriah a lo buatsaih sak a, Mizorama venhimna chungchanga thil pawimawh chi hrang hrang an sawi dun bawk.

Lieutenant General Praveen Bakshi hi Mrs Neerupma Bakshi, Regional President, AWWA, Eastern Command bakah Lieutenant General Abhay Krishna, AVSM, SM, VSM, GOC 3 Corps leh Major General MV Chandran, YSM, SM Inspector General Assam Rifles (East)-ten an rawn tawiawm a. Brigadier TC Malhotra, DIG Assam Rifles, 23 Sector chuan Army Commander hi Mizorama venhimna dinhmun a lo hrilhfiah a, tuna harsatna awm thei leh nakin atana fimkhur ngai zual laite a lo kawhhmuh bawk.

Tun tum hi Lieutenant General Praveen Bakshi-an Mizoram a tlawh vawin hnihna niin hei hian India sawrkarin Look East Policy a kalpui ruala India sipaiten Mizoram mipuite an ngaihven zia tarlang a ni.