826/2026-2027

4th June, 2026 : Mizorama cham mek Election Commission of India (ECI) Deputy Director Pu Apurva Kumar Singh, IIS, chuan vawiin khan Reiek a tlawh.

ECI Deputy Director hi Reiek BDO, Assistant Electoral Registration Officer (AERO) ni bawk Pi Betty Lalrinfeli leh a thawhpuiten an lo dawngsawng a, Special Intensive Revision (SIR) of Electoral Rolls hlawhtlinna tura an hmalak tawh dan hrang hrang te a lo sawipui a ni.

Hemi hnu hian AERO Office ah BLO-te nen an hmalak tawhna te an sawi ho a, an hmalakna leh hlawhtlinna hrang hrang te mipui hriata pholang uar hle turin ECI Deputy Director chuan a chah a ni. BLO te hnathawh dan te leh SIR 2026 a hlawhtlin theihna tura an vahchuahna hrang hrang thlalak leh video te lakhawm a, dah tha thin turin a chah a. An khawtlanga mi chhuanawm te chhawr tangkai a, an khawtlang hruaitute nen thawhhona tha tak nei tura chahin Pu Apurva Kumar Singh chuan India khua leh tui kum tling chin tumah hmaih nei loa Electoral Roll-a an chuan vek theih nan, thahnemngai taka thawk turin a ngen a ni.

Zawhna leh chhanna hun te an hman zawh hnuah Pu Apurva Kumar Singh leh amah tawiawmtuten Reiek khawchhunga in engemawzat an tlawh a. BLO ten House to House visit an neih dan a enpui nghal a ni.