827/2026-2027

Dated Hnahthial, the 4^th June, 2026: Vawiin chawhma khan DC Meeting Hall, Hnahthial-ah Hnahthial District Level Committee on Green Mizoram Day 2026 chu an Chairman District Bawrhsap ni bawk Pi K. Vanlalruati kaihhruaiin an thukhawm a. He hunah hian June ni 11-a Green Mizoram Day hman dan tur chungchangte, thing tiak sem dan turte, Fire Prevention Award sem dan tur leh thil pawimawh hrang hrang ngaihtuah ho a ni.

Meeting kaihruaitu, District Bawrhsap, Pi K. Vanlalruati chuan kumin State Level Committee on Green Mizoram Day thupui - "Thing hi rangkachak anga hlu, Nunna tinreng bul a ni" (Trees are as precious as gold, They are the foundation of all life) chu tha a tih thu sawiin rilru a hre reng turin member-te a chah a. Kuminah a tam thei ang ber thing tiak phun tur leh a puitlin theih nan uluk taka enkawl chhunzawm zel a tul tur turin a chah bawk. 

Member Secretary leh DFO Lunglei Division ni bawk, Pu Lalduhthlana chuan kum hmasa lama Green Mizoram Day hmannaa thingphun dinhmun tlangpui powerpoint presentation hmangin a tarlang a. Kum kalta lama an thingphun tam tak nung zo lo te chu a chhan ni thei awmte sawi ho in, hmalak zel dan tur sawi ho nghal a ni. 

Committee hian kumin Green Mizoram 2026-a thingtiak phunna atan Hnahthial Bypass Road chu thlangin Inauguration Function chu Johana Pa Filling Station remchang laiah neih nise tiin a rel a, khuallian atan District Bawrhsap chu nise ti a rel a ni bawk. Thingphun zawh hnuah kum kalta lama mahni thingphunte enkawl zui leh ni se ti a rel niin kum danga an lo tih thin angin Fire Prevention Award chu Independence Day-ah sem leh tura ruahman a ni. 

Meeting ah hian Hnahthial khaw chhunga NGO hrang hrang aiawhte leh Department hrang hrang aiawhte an tel a ni.