820/2023-2024

Lunglei the 16th June, 2023 - MLA Inthlanpui, 2023 a Lunglei District-a hman tur Electronic Voting Machine (EVM) te DC Indoor Stadium, Venglai, Lunglei-ah endikna neih mek a ni a, June ni 12, 2023 (Thawhtanni) khan User Acceptance Test (UAT) neih niin, June ni 13, 2023 (Thawhlehni) atang khan First Level Checking (FLC) neih a ni a, June ni 17, 2023 (Inrinni) hian zawh hman tum a ni.

EVM checking nei tur hian ECI lamin Engineer te rawn tirin, Election Official-te leh Political Party aiawhte nen uluk takin enfiah a ni.

Vawiin khan Pi Lata Tripathi, Secretary, ECI, Pu Vijay Gupta, SO, ECI leh Pu Gaurav Kumar, ASO, ECI te’n inspection an rawn nei a ni. ECI Team te hi Pu Donny Lalruatsanga, District Election Officer, Pi T.T. Beikhaizi, Election Officer leh Pu H. Lalramenga, SDC & Officer in charge te’n an lo dawngsawng a ni.

ECI Inspection Team te hian FLC kalpui mek dan te, EVM Warehouse leh Strongroom dinhmunte enfiahin, a that tawk thu leh a lungawi thlak thu an sawi a ni.

ECI Team te hian vawiin dar 1:30 P.M. khan Lunglei chhuahsanin Hnahthial District inbuatsaihna an endik ve leh ang.