819/2023-2024

Lunglei the 16th June, 2023 - Lunglei District Disaster Management Authority ina Lunglei District huamchhunga YMA branch te tana intihsiakna a buatsaih, chhiatrupna thleng thei hrang hrang laka inven dan leh hmachhawn dan video tawi insiamsiak chu tluang taka zawhfel niin, vawiin chawhma khan Pu Donny Lalruatsanga, Additional Deputy Commissioner leh Chairman, DDMA, Lunglei District ni bawk Office chamber ah lawmman sem na neih a ni.

Vawiin a lawmman semna hun tawi Pu Alan Lalthanzara, SDO (Sadar) kaihhruaiah Pu Donny Lalruatsanga chuan Lunglei Town chhunga Branch YMA hrang hrangte DDMA Lunglei District buatsaih Short Video insiamsiaka an rawn tel avangin lawmthu a sawi a. He intihsiakna lawmman vang ringawta tel ni lova a taka khuarel chhiatna a lo thleng a nih pawhin che chhuak hmasa pawla tan kan tum a pawi mawh hle a ni a ti. Mihringin kan fimkhur loh avanga chhiatrupna thleng thei hrang hrang lakah pawh fimkhur tura kan inzirtir a pawimawh tak zet a ni a ti bawk.

Lunglei District Disaster Management Authority buatsaih video tawi insiamsiakah hian lawmman atan pakhatna Rs 20,000/- leh Citation leh pahnihna in Rs 10,000/- leh Citation bakah Consolation Prize Rs 2,000/- leh Citation te a ni.

Short Video insiamsaka lawmman dawngtu te chu :-

1st Prize - College Veng YMA Branch

2nd Prize – Salem Veng YMA Branch

Consolation Prize – Serkawn Branch YMA