818/2023-2024

Mizoram Youth Commission (MYC) Chairman, Dr.Vanlaltanpuia, Lunglei North bialtu MLA ni bawk chuan Phaileng South ah YMA Library a hawng.

Dr.Vanlaltanpuia chuan mipui kalkhawm te hma ah thu sawiin, Phaileng South khua, hun rei tak motor kawng tlang lohna ni thin chu vawiin ni ah chuan Hnahthial tlangdung leh Lunglei tlangdung kalpawh na kawngpui nuam tak siam a nih tawh bakah fur lai pawha Hnahthial tlangdung kal kai na tur Mat Lei pawh dawh a ni thuai dawn a ti a.

Phaileng South chuan nasa taka hma a sawn thu sawiin, VC House thar tha tak sak anih thu te, tui thianghlim pump theih turin hnathawh mek niin peihfel anih mek thu te, sikul building thar pahnih sak tan anih tur thu te leh Volleybal court sak thar ah zan lama inkhelh theihna turin light tha tak ruahman anih tur thu te a sawi a. YMA Library chu tangkai taka hman ngei anih a beisei thu sawiin, zirna leh lehkhabu chhiar tamna thlentu anih ngei theihna tangkai taka hmang tuin mipuite a chah a ni.

MYC Chairman Dr.Vanlalṭanpuia chuan Mualthuam North, Haulawng ah te YMA Day hun hman  a tlawh kual a, YMA te tan a luangchhuak bawk a. Zan lamah Mausen ah YMA hun buatsaih ah  khuallian niin zirlai hlawhtling te chawimawi na hun te  a hmanpui nghal bawk a ni.