1665/2023-2024

Ni 29th-30th August, 2023 ni hnih chhunga Mizoram rawn tlawh tur Hon'ble Election Commission of India (ECI) team te Lengpui Airport-a hmuah an nih atanga Mizoram an chhuahsan thlenga lo tawiawm a, press coverage leh press conference lo huaihawt sakdan tur atana tul leh pawimawh hrang hrang sawi hovin vawiin khan Addl. CEO Pu H. Lianzela hovin Mizoram CEO hnuaia Media Cell member-te an thukhawm.

ECI team-ah hian Hon’ble Chief Election Commissioner of India Pu Rajiv Kumar    hovin ECI senior officials 20 lai rawn kal tura beisei an ni a. Kumin Mizoram Inthlan 2023 chungchanga hmalak tawhnate leh hmalak zel dan turte an rawn enfiah dawn a ni. Ni 30 August, 2023 (Nilaini) khian chanchinthar thehdarhtute (mediapersons) nen Press Conference neih a ni ang a, he ECI Press Conference hi CEO youtube channel leh social media dangah te pawh live streaming theih beisei a ni.