1666/2023-2024

August ni 26, 2023: Sports & Youth Services Minister Pu Robert Romawia Royte chuan vawiin khan Zawlnuam Zone Football Association buatsaih Football Tournament closing function hmanpuiin, sports chu taksa sawizawina atan chauh emaw hun awl hnawhkhahna atan chauh nilo, eizawnna tak tak tling a nih avangin sawrkar pawhin football leh sports discipline dang hrang hrang tihhmasawn nan nasa taka hma a lak thu a sawi.

Sports Minister Pu Robert Romawia Royte chuan tunhma atanga football uarna khua Zawlnuam-a Zone Football Association ten Hmeichhe Football, Veteran Football leh U-17 Football championships te an buatsaih chu lawmawm a tih thusawiin Hachhek bialah Mizoram sorkarin sports facilities tam tak a siam mek thu leh, an bial chu sports facilities nei tha ber ni turin tan lak a nih tur thu a sawi.

He football tournament hi August ni 21 atang khan tan niin, Zawlnuam Vengpui GSA Playground-ah ah final match khelh a ni a. Hmeichhe Category-ah Thinghlun an champion a, Veteran (kum 40 chung lamah) Bawrai Veng Zawlnuam an champion a, U-17 category-ah Zawlnuam Vengpui leh Bungthuam-in an khel a ni.