1667/2023-2024

Lunglei the 26th, August' 2023: Vawiin khan Pi K. Lalrinzuali, IAS, Secretary, Disaster Management & Rehabilitation Department  chuan tunhnai  ruahsur in Zobawk South NH 54 leimin leh Zotlang,Tourist Lodge panna kawng  tlakniamna  hmun te a tlawh.

Zobawk South a Leitan bawr leh a huamchhunga NH 54 laih hna thawh avangin ni 18.8.2023 khan leimin liantham  tak a thlen a, leiminna chhak tlangah lei khi zau tak a awm a, chu chuan leimin lian zawk a thlen theiin mihring nunna leh in leh lo leh bungrua tan pawh a hlauawm thu bakah leiminna zawna cheng chhungkaw pali an riah chhuah thu khawtlang hruaituten an lo hrilh a. Pi K. Lalrinzuali chuan leiminna lai hi harsatna liantham a thlen loh nan kawng siamtu NHIDCL leh EPC Contractor te chu chak taka hma la tura nawr tum thu a sawi a. Chhungkaw pali riak chhuak te pawh theih ang anga chhawnmdawl a nih tur thu a sawi bawk. Zotlang Tourist Lodge panna kawng pawh Geoalogy & Mining mithiamte nen a zirchian a plan mumal tak siam turin a chah a, thuneitu sangzawkah a lo bawhzui tur thu a sawi bawk a ni.

Pi K. Lalrinzuali hi Lunglei Bawrhsap Pi Ramdinliani, IAS, Pu Donny Lalruatsanga, Addl. Deputy Commissioner, Pi Lalhlimpuii Ralte SDO (S) leh PWD hotuten an tawiawma, Zobawk South leh Zotlang ah hian LMC Councilor te, VC te leh khawtlang hruaituten an lo dawngsawng a ni.