ECI National Quiz Competition 2017/2018 District Round chu Aizawl District nimin khan DC Conference Hall, Aizawl-ah neih a ni. He competition hi Election leh Electoral Roll kaihhruai thil hrang hrang zau zawka mipuite hnena puanzarna atana ruahman a ni.

District Round Quiz Competition-ah hian Higher Secondary School sawm pahnih (12) an tel a, chungte chu Staines Memorial Higher Secondary School, Govt. Chaltlang Higher Secondary School, Providence Higher Secondary School, Oxford Higher Secondary School, MICE, Modern English Higher Secondary School, St. Paul's Higher Secondary School, Mont fort higher Secondary School, Govt. K.M. Higher Secondary School, Govt. J. L. Higher Secondary School, St. Salvius Higher Secondary School leh Govt. Republic Higher Secondary School-te an ni. He quiz competition atan school tin atang hian participants pahnih (2) theuh an tel a ni.

Participant-te hi Citation leh T-shirt pek theuh a ni, Aizawl District chhung atana District Round Quiz Competition a pakhatna atanga pathumna dinhmun hauh tu chu 1. Govt. Republic Higher Secondary School, 2. St. Paul's Higher Secondary School leh 3. Govt. Chaltlang Higher Secondary School. A titha ber Govt. Republic Higher Secondary School hian State Round Quiz Competition neih turah Aizawl District ai an awh dawn a ni.