Vawiin khan Economics & Statistics Department Conference Hall ah Economics & Statistics Department hotute leh Social Welfare Department hotuten nauhnuchham enkawlna hmuna thawk te meeting an neih pui.

He inhmuhkhawmna ah hian nauhnuchham enkawlna hmuna seilian naupangten an mahni awmna enkawltu home mother/father te hming an nu leh pate hminga an ziah thin avanga harsatna an tawh thin thu te sawilan a ni a. Fa lak chungchanga nu leh pa te hming ziah dan te hrilhfiahin, heng nauhnuchham enkawlna hmuna awm mek Birth Certificate la nei loten dik leh awlsam zawka an neih theih dan turte pawh an sawi ho a ni.