Mizoram sorkara Planning & Programme Implementation Department-in NEDP hnuaia Entrepreneurship Development Scheme (EDS) a kalpui mekah ‘Micro Start-up Capital Competition Final Round’ chu Chief Secretary's Conference Room, New Secretariat Complex ah nimin ni 27.07.2017 (Nilaithawhtan) khan neih a ni a. Endiktute hi Mizoram State Entrepreneurship Development Monitoring Committee (MEDMOC) Members-te niin, he Final round-ah hian thlanchhuah bik mi 15 ten Sector pathum (3) - Agri Business Solution, Solid Waste Management leh Urban Transport-ah te inelna an nei leh a. Hlawhtling taka inelna neih a nih hnuah Judge-ten uluk taka zirchiang lehin, a hma thei ang berah result tihchhuah hman tum a ni.