Vawiin khan Govt. Johnson College chuan ‘Freshers' Social Cum Graduation Day & Magazine Release’ inkhawmna Vanapa Hall-ah an hmang a, Social Welfare Minister P.C.Lalthanliana chu khuallian a ni. 

Khuallian Pu P.C.Lalthanliana chuan zirlaite fuihin zirna tha chu college building leh zirtirtuteah ni lovin anmahniah a innghah thu a hrilh a. College lut thar (freshers) te chu an hun hmang thiam tur leh college an rah chinah zalen nia inngai mai lova, college an kal chhan an zirlai chu ngai pawimawh ber turin a chah. Minister chuan zirlaite chu tumruhna leh taihmakna nen an zirlai nite hmang a, ngaihsan tur dik ngaihsanna chang hre tur leh zir laia nuamsa taka zir hi hlawhtlinna a nih lem loh thu sawiin mi hlawhtling ni tur chuan nawmsakna kalsan a tul zawk thin a ni a ti bawk.