3716/2023-2024

LUNGLEI; the 7^th February, 2024: Tukin zing dar 7:00 atang khan Dr.Vanlalthlana, Minister for School Education, H&TE,Taxation, I&PR leh I&CT Dept. chuan MIZORAM ENGINEERING COLLEGE, MIZORAM POLYTECHNIC, HATIM, LUNGLEI GOV’T COLLEGE, LEITLANGPUI HSS, DEO OFFICE leh MBSE office te a tlawh.

MIZORAM ENGINEERING COLLEGE, Pukpui, Lunglei  hi  MHRD hnuaia RUSA fund atanga cheng Vaibelchhe ₹26/- (  Central-₹23.40 crore leh state share ₹2.60 crore) senga  22^nd April,2016 a sak tan niin,  heng:

1) Boys, Hostel,

2) Girls’ Hostel,

3) Library,

4) Workshop & Laboratory Room,

5) Common Room

6) Cafeteria

7) Administrative Block te hi 16^th November, 2018 khan sak zawh tawh a ni.

Amaherawh chu Mizoram State in a siam ve tur heng:

1) A panna kawng(Approach Road) 3km vel- widening, resurfacing leh Blacktopping

2) Water Connection & Storage

3) Power Supply te hi pakhat mah khawih a la nih loh avangin, Mizoram Engineering College hi a la function thei hrih lo a ni. He mi atan hian Central a Ministry hrang hrangah Fund dilna lo thehluh tawh thin a ni a,mahse tun thlengin a la hlawhtling rih lo a ni. 23^rd January 2024-ah pawh khan “Critical Infrastructure Requirement for functioning of Mizoram Engineering College,Pukpui,Lunglei( Total project Cost ₹14,83,02,000/-) chu PMJVK hnuai atanga funding turin proposal  thehluh leh tawh a ni.  H&TE Dept. chuan Mizoram University (Southern Campus) in a hman lailawk (temporary) turin a lo remti tawh a, MZU ( Southern campus)-ah hian Engineering zirna Course erawh an tel ve a ngai thung ang.

Mizoram Polytechnic, Lunglei a tlawhna-ah Students’ Association leh Faculty member ten Minister hnenah  an zirna in chu kum tam ngaihthah a lo ni tawh avangin, an Laboratory leh workshop te chu a function tawh loh thu leh Staff an indaih loh thu te lo hrilhin, Minister hian mit ngeia an zirna in tlakbal tawhzia hmu se tih an duh avangin, Minister chu an classroom, Lab & Workshop etc. te an fan pui a ni.

Minister in College, HSS leh Office thenkhat a tlawhna-ah hian  Office staff, Faculty Member leh zirlai ten  lawm tak leh beiseina sang tak nei chungin an lo dawngsawng hlawm a. An harsatna hrang hrang te lo hrilhhriatin, hmalakpui turin an lo ngen hlawm a ni.  Minister chuan  thil ka ti ang ti a, ti leh si lo hi tha ka ti loh avangin engmah ka tiam ngai lova, tiam pawh ka duh lo, mahse ka  theina zawn leh phak tawkah in harsatna te sukiang tur erawh chuan thei tawp ka  chhuah  ang, tiin a chhang hlawm . Minister chuan Zirlai te chu danglam a ngaih hunah danglam ngam tura huaisenna nei turin a chah hlawm a. An thil tuipui zawng chu eizawnna atana hmang thei tur khawpa tuipui turin a chah hlawm a, calculated Risk la ngam tur khawp in huaisen ru, tiin  College leh HSS zirlai naupang te chu a fuih hlawm a ni.

Vawiin Hon’ble Minister Dr.Vanlalthlana’n Lunglei Town area chhunga College, HSS leh Office thenkhat a tlawhna-ah hian  ZPM MLA  3: Pu V.Malsawmtluanga, Vice Chairman,  High Powered Committee, Lunglei leh Lunglei North bialtu ni bawk,  Pu Lalramliana (Papuia), Lunglei South bialtu  leh Pu T.Lalhlimpuia,Lunglei West bialtu te bakah Pu Lalzuithanga, chairman LMC l hovin  LMC councilors ten an tawiawm a, Aizawl atangin  H&TE  dept.official ten an tawiawm bawk  a ni.