3717/203-2024

7^th February, 2024 : Excise & Narcotics Minister Pu Lalnghinglova Hmar leh Minister of State for DoNER Pu B. L. Verma chu vawiin khan New Delhi-ah an inkawm.

Pu Lalnghinglova Hmar chuan Mizoram chu ramri hrula awm a nih vangin ram pawn atangin ruihhlo leh phal loh thil dang a lo lut nasa a, hemi dona kawngah hian Excise and Narcotics Department chu thuam chak a ṭul thu leh, state budget pawn lama puihna awm theite dappui turin DoNER Minister chu a ngen.

Pu B. L. Verma chuan Mizoram sorkar thar chibai bukna thu a sawi bakah state mamawhte ziaka thlen turin a chah a, a office aṭanga tih theih awmah tlanchhiat a tum loh thu a sawi.

DoNER ministry chu Hmarchhak tana ding a nih angin Hmarchhak mipuite tan a ni tih a sawi a, chumi kawngah chuan a ṭul ang anga tlan kual tura a inpeih thute a sawi.