3718/2023-2024

7^th February, 2024 : Vawiin khan Pu Lalnghinglova Hmar, Minister, Sports & Youth Services chuan Pu John Barla, Minister of State, Minority Affairs chu a chenna in New Delhi-ah a kawm.

Pu Lalnghinglova Hmar chuan Mizoram chu 'minority' awmna a ni a, chuvangin ngaihsak a ṭul bîk dante leh, chu ministry hnuaia hamṭhatna awm thei ang angah hmaih lo turin a ngen. Minority Affairs Minister chuan Mizoram chu an ngaihsak thu leh an ngaihsak zawm zel tur thu a sawi a, a Ministry hnuaia scheme awm aṭanga duhsakna an pek țhin thu leh project a tam thei ang rawn thawn zel tura a duh thute a sawi bawk.

Pu John Barla chuan Minority Affairs Minister a nih angin sorkar programme-ah Mizoram a tlawh ṭhin thu leh political party aiawh pawha an hotuten an tirh ṭhin thu a sawi a, a state ngainat tak a nih avangin a ngaihsak zel dâwn tih a sawi.