Vawiin chawhma khan SCERT Auditorium ah ni 2 awh tur Association of Mizoram DIET Employee(AMDE) buatsaih Faculty Workshop on In-service Teacher Education curriculum chu Education Minister Pu H.Rohluna’n a hawng.

AMDE buatsaih workshop hawnna a thusawitu Education Minister Pu H.Rohluna chuan district zawng zawngah DIET neih a lo ni ta chu zirna kawnga hmasawnna lian tak, a bik takin sawrkar sikul te tan phei chuan hmasawnna thlen tu a ni chho dawn a ni a ti a. DIET a thawk te chu zirtirtu-te zirtirna pechhawng leh tu an nih avanga tang mar pat tur leh inthlahdah lo turin a fuih a. Hlawh chungchanga an harsatna pawh sawrkarin a hria a, heng harsatna te sukiang turin sawrkar chuan theihtawp a chhuah a ni a ti. Thla tam tak hlawh an lak theih loh vanga harsatna an tawh lai pawha sawrkar an ngaichang thin chu fakawm a tih thu leh district hrang hranga DIET awm te pawh la tlawh chhuah vek a tum thu a sawi a ni. Nasa zawka zirtirtu te traning pe thin turin AMDE member DIET a thawk te chu chah in sawrkar sikul a naupang tam zawk an lo luh lehna tura an mawhphurhna te a hrilh a ni. He workshop hawnna hi Pu R.L.Thianghlima, President, AMDE in a kaihruai a, Pi Malsawmthangi, Director, SCERT pawhin thusawina hun a hmang a ni.

He workshop chhunga zirtirtuten anmahni subject theuhva rawtna leh sawihona an neih hmang hian MBSE ah rawtna thlen an tum a ni.