Vawiin khan Education Minister, bialtu MLA ni bawk Pu H. Rohluna chuan Ngopa a Kuthnathawk tute ni a hmanpui.

Kut hnathawkte chawimawina ni State Level Farmers Day ti a hriat bawk ah hian Khuallian chu damlohna avangin thu a sawi thei loa, a thuchah chhiar chhuah a ni. A thuchah ah chuan Mizoram Sawrkar in Kut hnathawk tute ngai pawimawhin an puala ni bik siama ngaih pawimawh an lo hlawh leh zual chu lawmawm a ti a. Sawrkar in kut hnathawk chhungkuate intodelh na turin NLUP a ruahman a, NLUP dawngtu tamtak in eizawn nan an hman mek thu a sawi a ni.

Pu H.Rohluna chuan Sawrkarin NLUP a kalpui chhunzawm zel thu tarlangin tun dinhmunah 3rd phase sem zawh tawh niin 4th phase pawh sem leh thuai tura chak taka hmalakna a kal mek thu a tarlang bawk a ni.

Minister chuan NLUP tih changtlun nan leh mi taima leh tangte tanpuina turin sawrkarin NEDP a ruahman thu a sawi a. NEDP hi kawng hrang hrangin mipuite mamawh phuhru tura hmalak chho tumna a ni a. He policy a tan hian kum kal mek 2016-2017 a tan hian cheng nuai 25000 sawrkarin a dah thu a tarlang a, hmalakna tur ruahman mek chu peihfel a nih tep tawh thu a sawi bawk a ni. Kut hnathawk tute hamthatna tur hi NEDP ngaihpawimawh tur anih thu sawiin an thar chhuah phurh chhuahna tur link road laihna tur te, tam zawk an thar chhuahna tura tanpuina pek te anih thu a sawi bawk.

Hah tak leh rim taka thawk chungin kan ei zawk a ni tih thupui thlan a nih angin Bialtu MLA chuan mipui kalkhawm te chu fuih in "Kumin kut hnathawk tute ni kan hman hian taihmak leh rim taka hnathawh hlutzia min hriat chhuah tir se la, sawrkarin kut hnathawk tute tana hmalakna hlutzia hriat chhuah nan i hmang ang u" a ti.

Kut hnathawk tute ni hi Pi Lalhruaitluangi BDO, Ngopa in a kaihruai a, Pu F. Zothansanga, VCP, Ngopa in thupui sawi zau na neiin, North Eastern Farmer Union leh NLUP Beneficiary 3 te atangin thusawi ngaihthlak a ni a, Trade hrang hranga“NLUP beneficiary ti tha zual 8 te hnenah lawmman citation hlan an ni. Pu K.Lalkima, VLNC, Ngopa in lawmthu sawina in he hun hi a khar a ni.