Vawiin March ni 15 hi World consumers Rights day a ni a. He ni hi Serchhip District Consumers Association huaihawtin DC\'s Conference hall-ah hman a ni. He ni khuallian nia hmanpuitu Education Minister Pu Lalsawta chuan thu sawiin, khawvelah mi tha ten thil dik lo kan do loh chuan thil dik lo leh sual a dingchang mai zel dawn a, thil dik lo do tura theih tawpa tan lak a tul a ni a ti a. Law & Judicial Minister ni bawk Pu Sawta chuan mipui dikna chanvo humhalh turin mi huat pawisa lo nih a ngaih laiin Consumers te dikna leh chanvo humhalh kawngah Serchhip Dist chu a titha ber nia a hriat thu sawiin lawmawm a tih thu a sawi a. Mizorama Court-a hotu lian ni tur mizo mithiam kan la neih loh avangin zirnaah theihtawp kan chhuah a tul takmeuh a ni a ti bawk.

Vawiina he ni hmanna hi Serchhip DC Pu P.Lalchhuanga, District Forum President ni bawkin a kaihruai a, Serchhip District Consumers Association President Pu H.Zonuntluanga pawhin thu sawiin mipui dikna chanvo humahalhna tur thil tam tak a sawilan zingah- Doctor ten damlo an enkawl te chunga an tihthat loh avanga khin an tawh ve theih thu a sawi a. He hunah hian VC, YMA, MUP,zirlaite leh tualchhung chanchinbumi thahnem tak telin, inkhawmah Serchhip Dist Consumers Association Secretary Pu RL Chhuanawma\\\\\\\'n kum hnih chhunga an hmalakna chi hrang hrang 30 chuang report pein a tarlang bawk. Education Minister Pu Lalsawta hian nizan kha Serchhipah riakin Sub Hqrs YMA hruaitute P&E Rest house Bukpuiah a kawm a, tukin khan Lal Thanhawla Higher Secondary School private a tlawh a, vawiin chhun khan DC\\\\\\\'s Conference hall-ah zirtirtu kalkhawm hmaah thu sawiin, vawiin tlai khan Telescoped DIET/DRC leh SDEO Office Serchhip a tlawh hnuah Thenzawl panin, naktukah Thenzawlah zirtirtu kalkhawmte hmaah thu a sawi leh dawn a ni.

Attachment

  • Loading attachment...