Extension Education Institute (EEI), North East Region, Assam Agriculture University, Jorhat leh Mizoram Agricultural Management & Extension Training Institute (MAMETI), Directorate of Agriculture tangkawp chuan Agricultural Management Technology Agency (ATMA)-a Deputy Project Director, Block Technology Manager, Computer Programmer, KVK Scientist-te bakah Agriculture leh Allied Department - AH & Vety, Horticulture, Fisheries, Sericulture leh Soil & Water Conservation-a thawktute tan ni 4 awh tur training an rawn buatsaih a. He training hi vawiin khan Agriculture Additional Secretary Pu Lalrammawia chuan Directorate of Agriculture Committee Room-ah a hawng.

Training hawngtu Pu Lalrammawia chuan India ram hmasawnna tura Sawrkar Laipui hmalakna lian ber Skill Development chu Agriculture leh a kaihhnawih thiamna hrang hrangah kalpui a nih tur thu te, chumi kalpuia thingtlang thiamna bik (Skill) zirtira training pe turin MAMETI, ATMA leh KVK te chu Sawrkar Laipuiin a rawn thlan thu a sawi a. He training hi Dr. H. Saithantluanga, Director, MAMETI in a kaihruai a, Off-Campus Training neihpui tura Extension Education Institute, Jorhat atanga lokal Dr. S. Borua, Assistant Professor, EEI pawhin thu sawiin, Skill Training for Rural Youth (STRY) scheme hnuaiah thingtlang thalaite chu Agriculture leh Allied Sector-a Skill hrang hrang thiam turin a thlawn vekin kar khat chhung Training pek an nih tur thu leh Farmer Capacity Assesment and Certification (FCAC) Scheme hnuaiah Agriculture leh Allied Sector a tualchher thiamna neite chu Certificate peka an thiamna te midang zirtir nan awmze neia hman a nih tawh tur thu a sawi bawk. Heng scheme pahnihte hi District tina ATMA leh KVK tangkawpin an kalpui dawn a ni.