Vawiin tlai khan Aijal Club ah Pu Lalrinmawia Ralte, Minister, Environment, Forest & Climate Change chuan 9th General Conference of Mizoram Forest Rangers' Association kharna hun a hmanpui.

 EF&CC Minister Pu Lalrinmawia Ralte chuan Mizoram Forest Ranger te chu indaihlohna nasa tak hnuaiah India ram pumpuia ramngaw nei tha ber nihna dinhmun Mizoram in a hauh theihna atana thawhhlawk ber zinga mi an ni a ti a. Khawvel sik leh sa lo danglam chho zelah ramngaw leh nungcha humhalh pawimawhna te  Mizoram mipui in an hre chho mek chu thil lawmawm a nih thu a sawi a. Tlawmngai pawl te leh mipui te thlawpna tello chuan Mizoram chhunga nungcha leh ramngaw te hi Forest Department a thawk mi tlemte in an venghim zo lo tih a chiang a. Zoram mipui ten thang leh thar lo awm zel tur tan Mizoram chenna tlak a nih theih nan Forest Rangers leh Forest Department te an tawiawm chhunzawm zel  a pawimawh tak meuh a ni a ti. Forest Ranger te chu an indaihlohna te rilru hnualna ah hmang lo tura chah in an theih ang tawka ram tana thawk chhunzawm tur leh mipui thinlunga ramngaw leh nungcha humpalh pawimawhna mellung phun tum theuh turin a chah a ni. Aizawl khawpui huamchhunga Saza humhalh pawh misual tu tih hriat loh in  kap leh tawh nia an sawi chuan a rilru a tihnat thusawiin 'Mizo mipui ten tun atanga ramngaw leh  nungcha humhalh hna kan thawh duhloh chuan thang leh thar te tan thawnthu lungchhiat thak kan ziak mek a ni ang' a ti.  

Forest Rangers' Conference hi vawiin ni leng khan neih a ni a, an pawl hmalakna te leh hnathawk indaihlona te enfiah a nih theih nana hmalak te rel a ni a. Pu V.Zaithanzuala, President, Mizoram Forest Rangers' Association chuan Conference kharna hun hi a kaihruai a. Pu Rosiama Vanchhawng, Addl PCCF pawhin  Rangers' te fuihna thu a sawi a ni.