Kumin Green Mizoram Day-a National Highway 44A kawng sira thingphunte leh a hnua mi thahnemngaite thingphunna hmunhma chu vawiin khan Environment  Forest & Climate Change Department Mamit DFO office staff te leh 4th IR Battalion-a thawkte'n  hnatlangin an sam fai.

Mamit DFO hnuai-ah hian kumin Green Mizoram Day-ah khan thing tiak 547 phun niin, a hnua phunte nen chuan thingtiak phun hi 3000 chuang a tling a, heng thingphunte hi enkawl zui a ngaih thin vangin DFO, Mamit office leh 4th IR Battalion tangkawp chuan  enkawl zuiin thingphunna hmunah kalin an samfai a ni.

Mamit DFO Pu Lalnunsanga chuan kum engemaw zat kal ta atang khan Teak leh Wildlife Protection lamah pawh 4th IR Battalion nen an thawkho tha thin hle tih sawiin, vawiina an thawkho leh chu lawmawm a tih thu a sawi.

Thingphunte enkawl zuia a hmunhma sam faite hi Mamit DFO office-a thawk mi 6 leh 4th IR Battalion atangin mi 31 an ni.