1075/2023-2024

Aizawl 7th July 2023: Vawiin khan EF&CC Minister Pu TJ Lalnuntluanga chuan Aizawl a Handicraft-te a tlawh kual a. Mizorama Handicraft lama hma kan sawn theih nan Handicraft siamna a hmun te hi a tlawh a ni.

Minister hi Handicraft-titu ten lo dawng sawngin an harsatna tawh hrang hrang Minister hnen ah hian an lo thlen a. Hruipui, Thilte, Kawrtai leh hnang hmanga Mizo thil siam chi hrang hrangte en in, raw material a an harsatna sut kian a nih theih dan tur kawng hrang hrangte sawi ho a ni.

Pu TJ Lalnuntluanga chuan Mizoram chhunga Hruipui te, Thilte , hrui hnang te state intodelhna pakhat atan leh sum a chantirna kawngah humhalh a ngaih tawh thu a sawi a , tuna mamawh te hi 'Reserve Forest' chhunga mi chu lak a rem loh avangin kuthnathawktute harsatna sut kian a nih theih nan, Forest department-te nen a tangkawpin plantation siam theih dan ngaihtuahpui a tum thu sawi. Forest Nursery ah te bul tan a nih theih nan kut hnathawk tute chu project lian zawka hma lakpui a tum thu a hrilh a ni.

Minister hi Pu C. Lalrammawia, Chairman, ZOHANCO, Pu RK Singh, Principal Secretary & PCCF, EF&CC Department ten an tawiawm a ni.