1076/2023-2024

Ni 03.05.2023 atanga vawiin ni thlengin Manipur tualchhung buaina avangin raltlan thahnem tak ten mahni sahimna zawngin Mizoram min rawn bel a. Heng kan unau raltlan-te hi ei tur, in tur leh chenna tur nei lova an awm hi Sawrkar chuan rem ti lovin theih tawp chhuahin chhawmdawlna tur a ngaihtuah nghal a. FCS&CA lam in ei tur Buhfai pawh raitlante tan 2388.50 qtls an pe chhuak tawh a ni. Deputy Commissioners (Relief Camp nei-te) pawhin an ei leh in tur buaipui in sum leh tha leh zung tamtak an seng tawh bawk a. Khawtlangin theih ang angin tanpuina an pek bakah, NGO hrang hrang, Mimai leh Kohhran hrang hrangte pawhin tanpuina tur sum fai leh chawhmeh-te bakah bungrua te in tanpuina hi an pe reng bawk a. Tunah hian heng tanpuina ring hian an la khawsa thei hram hram a ni. Mizoram Chief Minister zahawm takin Central sorkar ah tanpuina tur Rs. 10 crore a dil mek bawk a. Tin State Sawrkar pawh in Rs.5 crore a ruahman mek bawk a. Hetih mek lai hian sum indaihlohna a nasa tawh hle a, chuvang chuan Executive Committee on Internally Displaced Persons(IDPs) from Manipur meeting ni 20.06.2023 a neih chuan, MLAs, Corporators, Sawrkar hnathawk, State PSU. Autonomous District Councils, CPSU, Central Govt, offices, Banks, Mizoram a awm te hnenah an phal ang tawk tanpuina pe tura ngen ni se tiin a rel a. Chuvang chuan tanpuina hi mahni remchan ang theuh thawh khawm turin ngenna hi siam a ni ta a ni. Thawhlawm te hi Director, DM&R account No.97014572199 IFSC SBINORRMIGB,MICR 796805005, MRB, Vaivakawn Branch ah ni 25.07.2023 hma in emaw hemi ni thleng hian thehluh theih a ni e. Zawh fiah duh nei tan Mobile No. 6009207097 ah zawh fiah theih a ni e.