1077/2023-2024

7.07.2023 : Nimin ni 6.7.2023 MHIP Day khan Sports Minister Pu Robert Romawia Royte chuan Kanhmun khuaah a hmanpui.

MHIP Day lawmna inkhawm Pi B. Kaphmingthangi, MHIP Vice-President kaihhruaiah Khuallian Sports Minister thu sawiin hmeichhiate chu khawtlang inrelbawlna leh kohhran mai bakah inchhung khura hmun pawimawh luahtu an ni a, an pasal fanau te uluk taka enkawla, faina leh thianghlimna vawng tûrin a chah a ni.

Tourism Minister Pu Roberta chuan Kanhmun khua chu Tripura leh Assam inrina hrula awm, Bazar hmun pawimawh a nih avangin Mizoram Sawrkar pawhin a ngai pawimawh a, SYS Deparment pawhin Standard Basketball Court leh Standard Volleyball Court  zana inkhelh theihna,  Lighting System tha tak nen a siamsak mek a ni. Hun rei tak atanga Kanhmun khawtlang hruaitute leh thailai ten an lo dil tawh angin  Football Fied thar an neih dan tur pawh ngaihtuahpui a tum thu a sawi.

Minister Pu Robert Romawia Royte chuan tukkin zing khan Kawrthah Civil SDO, SDPO, Hachhek Bial Kuhva Chingtu Pâwl (HBKCP), Hachhek Taitesena Group aiawh te nên dan phalloha Kuhvaro Hachhek biala phur luh thin leh a kaihnawih harsatna chungchang te a sawipui a, Hachhek bial Kuhva chingtu te duhdanin Police Force tihchak kawngah leh Police leh Civil mi te Kuhva ro tawlh rûk venga Duty ho dan tûr an sawi ho bawk.

Nimin khan Kawrthah Joint MHIP te chuan MHIP Day ropui takin an hmang a, Branch Pathum infinkhawm Joint MHIP-in MHIP  Day an hmannaah hian Sports  Minister nupui Pi Lalrampari Hnamte chu  khuallianah sâwmin khuallian Pi Mapari chuan " Khawtlang leh chhungkua inenkawlnaah hmeichhia te mawhphurhna sawiin, Faina leh thianghlimna ngai pawimawh turin a chah a, Nu te tan Pasal fanau te enkawla rawngbawlsak anga pawimawh a awm lo a ni a ti.