2227/2024-2025

Dated Aizawl, the 26th September, 2024: Vawiin chawhma dar 10:00 khan Environment, Forest & Climate Change Minister Pu Lalthansanga chuan Forest Department hnathawhte thlirletna (Mid-term Review of EF&CC), Wildlife Warden's Conference Hall, Khatla, Aizawla neih chu khuallian niin a hmanpui.

Khuallian Minister Pu Lalthansanga chuan kalkhawmte hmaah hian Mid-term Review neih chu tihdan tha tak leh Department dangte tan pawha entawntlak ni a a hriat thu sawiin, intuaitharna hun atana hmang theuh turin Department mi leh sate chu a chah a. Hetiang hun hman hian ram hruaitute pawh ram tana policy tangkai zawk siam kawngah a puih ngei a beisei thu a sawi a. Department hmalakna apiangah mipuite a tam thei ang ber an tel vena tura ruahmanna siam thin turin a chah bawk a. Sik leh sa inlumlet (climate change) chungchang pawh Minister hian sawiin, Department hotute chu sawrkar kut leh ke an nih angin thurawn pek kawngahte, sawrkar hmalakna a kal dik theihna tura theihtawp chhuahpui zel turtein a sawm bawk a ni.

Hun hman hi Pu H. Lalengmawia, Commissioner & Secretary, EF&CC, Govt. of Mizoram chuan kaihruaiin, Pu A.K. Biswal, PCCF Mizoramin kalkhawm chhan a sawifiah a. Hemi zawh hian Department hnuaia scheme hrang hrang sawifiahna neih niin, Forest Division hrang hrangte atangin an hmalakna theuhte ngaihthlak nghal a ni.

Vawiina EF&CC Mid-term Review neihah hian kum kal lai meka Forest Department hmalak tawhnate, hmalakna kallai mekte bakah hmachhawpte thlirho a ni a. Pu H. Lalengmawia, Commissioner & Secretary, EF&CC bakah District hrang hranga Department hotute an ko kim thawkhat hle a ni.