4429/2024-2025
Dated Aizawl: the 25 February 2025 : Vawiin chawhnu dar 3:00 khan Pu Lalthansanga, Hon’ble Minister, Environment, Forests & Climate Change chuan Chief Wildlife Warden Office Conference Hall-ah Lalramthanga Wildlife Library a hawng a. March thla tawp lama tanga neih tan tur Eco Fest Logo khuh hawnna neiin, Eco-Fest T-Shirt leh Promo Video a tlang zarh nghal bawk.

He hunah hian Pu Lalthansanga, Hon’ble Minister, EF&CC chuan thusawiin, Library chu tangkai lehzual a hmang turin kalkhawm te a chah a. Ramgaw leh Nungcha humhalhna kawnga tan lak a tul zia leh Mipuite hnenah awareness pek a tulzia thu leh chumi kawngah chuan nasa leh zuala tan la turin department hotute a chah bawk a. Kan hma mai a Eco-Fest neih tur chuan Eco-Tourism lama Mizoramin hma a sawn nan rahbi pawimawh tak a thlen a beisei thu leh ram ngaw leh Nungchate humhalhna leh kan chen hona kawngah mipuite hnen a awareness pekna remchang tak a nih a beisei thu a sawi bawk a ni.

Hawnna inkhawmah hian Pu H.Lalengmawia, Commissioner & Secretary, EF&CC leh Pu Ashok Kumar Biswal, IFS, PCCF, Mizoram te, Senior Officer leh retired officer-te bakah  Mizoram Cyclist Association lam hruaitu te pawh an tel kim hle a ni.