3104/2024-2025

Dated: Mamit the 20th of November, 2024 : Vawiin khan National Cooperative Development Corporation (NCDC) Ministry of Cooperation, Gov't of India bultumin Mamit District Level Awareness Programme on PMMSY, FIDF & LIFIC chu  Zawlnuam Thuampui Community Hall-ah hman niin he hunah hian Pu Lalthansanga, Hon'ble Minister, Environment, Forest & Climate Change chu Khuallian niin a hmanpui.

Pu Lalthansanga chuan Mizote hi society system a kan kal thiam a tul a, kan ngaihtuahna leh kan thil thlir dan pawh tunlai mil a kan siamrem a tul tawh a ni a ti a. Mizoram Sawrkar chuan Bana Kaih kan a kalpui mek chu induhsak lam a kal pui niloin line department te'n spot verification neiin an zirchian hnuah thlanchhuah an nih dawn thu leh chhungkaw eizawnna atana hma lo lak tawh din thar leh nana hman theih a nih dawn thu a sawi. Minister chuan scheme kan neih te chu hmasawn nan a hman tum zel a nih thu a sawi bawk. 

Pu Lalthansanga chuan Mamit district chu aangha leh thlai dang tan pawh a potential area a nih angin engtiangin nge ka hlawhtlinpui ang tih rilru nei a, Zawlnuam khua leh a chhehvel a chengte'n a hlawhtlinna tak tak chhawr tura taimak chhuah chunga, Sawrkar kaltlanga hmasawnna awmte chhawr thiam turin a chah a, North-East State pariat thlanchhuah zingah Mizoram chhunga training-na atan Zawlnuam khua thlanchhuah a ni chu kan vannei hle a ni tih inhriain,mithiam zawkte thusawite uluk taka ngaithla tur leh kan hriatthiam lohte pawh zawt hrehlo turin a chah bawk.

He hunah hian Robert H. Touthang, Regional Director, NCDC, RO Guwahati chuan inlawmna thu sawiin, Pu Liansangzuala Chhakchhuak, MCS, Joint Secretary, Pu Lalthangfala, DCO, Mamit leh Pi Remsangpuii, DFDO, Mamit te pawhin thusawina an nei a, chawhnu hunah mithiam hrang hrang te'n mipui kalkhawmte zirtirna an pe a ni.